ورشة التمثيل

بناء على العدد الكبير من راغبى الاشتراك فى ورشة تمثيل من خلال شركة مومنت برودكشن .. قررنا نبدأ فى التنفيذ، ورشة تمثيل اللي شركتنا هتنظمها مش هتكون تقليدية، راعينا فيها تكون نقطة بدايه قوية لمستقبلك الفني بماتيريال دراسى وتعليمى مختلف عن معظم الورش الموجودة حاليا، هتقدر من خلالها تكسب عامل الممارسه والخبرة العمليه وتتعرف فيها على ادواتك كممثل وتتقن مهارات استخدامها، و كمان هتتعلم ازاي تسوق نفسك كممثل فى المكان الصح وللأشخاص الصح .. وتخلق لنفسك فرص جديدة وتكون عارف هتروح فين وتقدم نفسك ازاى وايه المكان الصح والمناسب ليك.

الفنان/ شريف حمدي

هيتولي تدريب الورشة الاولي لشركتنا، الفنان المتميز شريف حمدي اللي ابتدا مسيرته الفنية الاحترافية من عام ٢٠٠٠ و من خلال هذة المسيرة اتعلم علي ايد العديد من اساتذة الفن المصري العظماء، شريف شارك في العديد من بطولات الاعمال التلفزيونية و السينمائية و المسرحية من اهمها :

  1. مسلسل “هادى و فادى” – مسلسل “شباب اون لاين” – مسلسل ” العمة نور” – مسلسل “عيش أيامك” – مسلسل “الظاهر بيبيرس” – مسلسل “لا آحد ينام في الاسكندرية” – مسلسل “عباس و ايناس” – مسلسل “انا الخائن” و مسلسل ” التابليت اللعين “
  2. البرنامج التلفزيونى “كذاب” – البرنامج التلفزيونى “احلى نكتة” – البرنامج التلفزيونى “باتاجونيا” – البرنامج التلفزيونى “يا طبخة ما تمت” و البرنامج التلفزيونى “ماذا لو لو”.
  3. فيلم “فيلم ثقافى” – فيلم “ليه خليتنى احبك” – فيلم “جائنا البيان ألتالى” – فيلم “درس خصوصى” – فيلم “الدرمللى فقرى تملى” – فيلم “رامى الاعتصامى”
  4. المسرحية السياسية الاجتماعية “يا غولة عينيك حمرا”.

سافر شريف للوس انجليس بولاية كاليفورنيا بالولايات المتحدة الامريكية و عاش فيها لمدة سنتين (٢٠١٦ – ٢٠١٨) لدراسة الجديد في فن التمثيل و التآليف و الآنتاج من خلال الاشتراك في دورات و ورش عمل متنوعة علي يد لفيف من الاساتذة و المحترفين ذوي الخبرة العميقة، و كمان شارك خلال الفترة دي بالتمثيل في خمس افلام قصيرة و اعلانين و مسلسل للانترنيت جميعهم انتاج امريكي و باللغة الانجليزية.

و بالاضافة لنشاطة التمثيلي و التأليفي، شريف هو مؤسس و مدير أكاديمية برودواي المسرحية .

من خلال كل الخبرة النظرية و العملية الممتدة لعشرين سنة، شريف صمم منهج دراسي خاص بالمبتدئين في عالم التمثيل هيحقق الاهداف التالية بأذن الله:

  1. التدريب علي فهم المعني العام للتمثيل و مدارسه و عناصره.
  2. التدريب علي فهم و تحليل النص الفني (المباشر و الغير مباشر).
  3. التدريب علي فهم و ابتكار الشخصية الفنية داخل النص (ظاهرها و باطنها).
  4. التدريب علي تطوير الانفعالات التمثيلية و الاداء الحركي.
  5. التدريب علي تطوير القدرة علي تنويع الخيال و اجادة الارتجال.
  6. التدريب علي تطوير الجانب البدني و الروحي و الذهني للممثل.
  7. التدريب علي تطوير روح العمل الجماعي و فهم اهمية دور الاخرين في العمل الفني.
  8. التدريب علي التعامل الصحيح مع سلبيات و ضغوطات مهنة التمثيل.

و في نهاية الورشة، كل مشترك هيتعمل له مشروع تخرج تحت توجيه و إشراف مدرب الورشة الفنان شريف حمدي و هيكون عبارة عن مشهد مونودراما في حدود ال ٣ دقائق، هيتصور و يتمنتچ و يتم إخراجه بشكل احترافي كامل، في المشروع ده المشترك هيطبق كل اللي أتعلمه في الورشة عشان يظهر باكتر شكل احترافي امام المتخصصين في الوسط.

“مومنت برودكشنز” شركة متخصصة فى الإنتاج الفنى والإعلامى، و الكورسات اللي بتنظمها هدفها تدعيم انتاجها الفني بطاقات شبابية متميزة في كل عناصر الشغلانة تكون حابة الفن و عايزة تأثر فيه و دا هينعكس ايجابيا علي المتقدمين للورشة لانك هتدخل المجال من باب المتخصصين و تدرس تخصصك فى أسرع وقت ممكن و بأقل تكاليف، و طبعا هيكون عليك العين من فريق إنتاج وإخراج عشان لو أثبت موهبتك هنتعاقد معاك فى أعمالنا الجاية بكل تأكيد غير إننا هنرشحك لكل شركات الإنتاج الصديقة، ومكاتب الكاستينج المعروفه والمشهود لها ..

انضم لينا من خلال ورشة التمثيل وشاركنا في تحقيق حلمك وحلمنا

  1. مدة الورشة 3 أسابيع – ٣ ايام اسبوعيا ( ٩ ايام ).
  2. بعد فترة الورشة هتستلم فيديو يحتوى على أدائك بعد إجتياز الورشة.
  3. معاد ومكان الورشة بتعرفهم لما بتتواصل معانا.
  4. لابد من اجتياز المقابله الشخصية للانضمام في الورشة.
  5. مصاريف الورشة ١٨٠٠ جنيه، تشمل التدريب والمعدات، ودرع تكريمي وشهادة اجتياز الاختبارات.
اخر ميعاد لحجز الورشة يوم 30/3/2019

للتقديم املأ الإستمارة التاليه

وهنتواصل معاك لتحديد ميعاد المقابلة الشخصية 👇👇

معلومات شخصية
معلومات الإتصال
صورة شخصية